dehi Eſpirito Santo, witánediqueploh dſeho, ibono bihè nhínho. Dſého mo nhinho anrodcequieba diboho, nóli wanddi anródcete mo Nhinho, anródcequieba Ipádzu bo D’Innura, muimanhémquieba Icródce, Icángri boho ibo, bo Eſpirito Santo dehèm; bennebúye Icródcea, bennebúye Icãgria, bennebúye Inétſoa, bennebúye Ithuitua, bennebúyea mo Dicángrite wohóye. Icródceploh Ipádzu do Dúcate wohôye, moro Inhûra, moro Eſpirito Santo, wanddi witanedíque dicrodceli nélu, bihè dicródceli. Ilambwiquieploh Ipádzu, Ilambwiquieploh Inhûra, Ilambwiquieploh Eſpirito Santo; wanddi witánedíque ditambuiquieli néluj, bubihè Dilámbuiquieli. Mo katſea Itſohóquiéhoa Ipádzua bo D’inúnhiu; móroquieba mo túpam, Itſohoquiehóquieba Ipádzu bo D’nnúra, bo Eſpirito Santo; itſohonúquieba ibôa, wanddi, Itſoholóboea.
6 Hohoploh dſého mo nhinho diboho, mo uro idzeba Santiſſima Trindade, hohó-
