anranyéddea kénhie, Inétſote ennaa doihi, mo Ipemui idzedze no kupádzua nhinho adôa.
8 Ninhoclj aránquè no túpam, nhínhocli aboho dſého mo hêmwi (dſého hemwi, Anjos, vro idze) munháquiekiè anrôa, diwánquieli Ibuiehoho, mo vro muimánhèm vmuibuia do túpam kubôa, muimánhem Icángria Iclóddia nodehèm, nóli Inhianúquea. Ninhocli Anjos no nhínho do Dumui quedete; mo uro Inhícoróquieba, dadínnea han y. No Ibábuia no nhinho hamáddi D’ummete mo rádda, wibihèa. Morocliba di no túpam Anjos kudôa, do kunúnhiete; Anjo do kunúnhiete idzeba Anjo da guarda; coho dúcali kudôa, Dimétceli kaidza Ráddamuj bo kucangria, bo kubuangáquea nodehem, nóli Kángri idze ánro.
9 Icángribuyea tudénhie Anjos no Ininhoa bánran no túpam, Anjo do Idcebútte Lucifer idze Idditeploh no túpam do Inánhe Anjos wohôye, Ibono Ibuángaba dinaho, mo ithute do itoiddè kupadzua túpam mo dumuiquede.
