11 Do uro muiquedeli túpam do Itiddadde dzocrôyeidze mo radda, Ipuiclibúne nete mo uro, nóli muidânhúclia idzéccate boeddobûye, Inharo Inhiacli dſého wohôymo dzu. Bihè Noè dinhiâquieli mo Ibuángaquie, Inhiâquieba Idedínnu, Inhiâquieba dinúnhiu Iddeho diheittete dehèm, Pebáddoclj no Túpam mo únhie wobûye, mo uro ehèclia bo dzu. Moro Ibèwicli do coho, quédde dzwicli dzu Bulè; Ibúyewiclia Inhúnhu Noè mo Radda, vbabánhiploh túpam ibétte Icángria, mo Inétſóte Inhaa Inhiâclite dyanráyéddea mo dzu hamáple dibuángate; Ibono Ibannánrequieba Idzenne túpam; mo wo Ibuánguea Ibaddôye Adam, moro Ibuánguea Ibaddóye Noè; moro Ibuánguea dehèm Kanáteciquie dſého doihi.
12 Uro duhamáplèli ilè mánhèm bo quieho tùpam kudôa. Inhícleploh túpam do Ibábwi dſého bûye mo anra nhiénwo hamáplè ibuángate; Ibono kanhiquiénguiba han y ʇúpam, anhiquiénguinúquie-
