3 Do Coho Ipèmwicli Inhûra nhinho, dicródcete Ipennehoabûye, nóli peboettodiclj Inha dinhíaly, dicli ipoh do diwanquielj, thoclicli Inhunnu bo Immequielj bo Immeônheaploh. Hampèlèclj nhiènwo bo Ibuyehoho dſého, tobwyeba milagres inha. Quedde itſoho dimmelj, Inhûra nhinho anro dipèlèli habuiham kudôa, vplènuquiebahi, netſocli dicrodcete kunnaa. Wanquieba quénhie dſého mo radda dupeboetóddili dinhiali, crodcequieba dſeho do uro tupam dicrodceli do Immoro, Mo uro tupam anli Jeſu Chriſto, noli Immorocli Inha; Buleddi, kenàclèa Idzenne. Wanddi, (Immea andceidzete Judôa han y dibuiho) uplè úro, Peboetóddiquieba dinhiali mo Icrodcete nhínho, mo Icrodcete Nhiénwo peboetoddiba Inha; bulèquieba, Ipah kunnaa. Noli no Pahquie kunnaa Plibúyéba katſea no dſeho bo jwja aboho, dadinnea han y, hyanâclèquieba manhem Kunúnhiu Kudzennea. Mo Ipaquiete Kunnaa, netſocli ennaa, jwicli te bûye dſeho do dinunhiu duhanâclèli Idzenne mo Inetſote milagre dittoli Inha.
