Em Tradução:Dictatus Papae (la)
 | Esta é uma tradução espelho do original transcrito no Wikisource em latim. Não edite seu conteúdo diretamente, exceto quando o original tenha sido modificado. |
DICUTATUS PAPAE.
- Qd Romana ecclesia a solo Domino sit fundata.
- Qd solus Romanus pontifex iure dicatur universalis.
- Qd ille solus possit deponere episcopos vel reconciliare.
- Qd legatus eius omnibus episcopis presit in concilio etiam inferioris gradus et adversus eos sententia depositionis possit dare.
- Qd absentes papa possit deponere.
- Qd cum excommunicatis ab illo inter cetera nec in eadem domo debemus manere.
- Qd illi soli licet pro temporis necessitate novas leges condere, novas plebes congregare, de canonica abbatiam facere et e contra, divitem episcopatum dividere et inopes unire.
- Qd solus possit uti imperialibus insigniis.
- Qd solius pape pedes omnes principes deosculentur.
- Qd illius solius nomen in ecclesiis recitetur.
- Qd hoc unicum est nomen in mundo.
- Qd illi liceat imperatores deponere.
- Qd illi liceat de sede ad sedem necessitate cogente episcopos transmutare.
- Qd de omni ecclesia quocunque voluerit clericum valeat ordinare.
- Qd ab illo ordinatus alii ecclesie preesse potest, sed non militare; et qd ab aliquo episcopo non debet superiorem gradum accipere.
- Qd nulla synodus absque precepto eius debet generalis vocari.
- Qd nullum capitulum nullusque liber canonicus habeatur absque illius auctoritate.
- Qd sententia illius a nullo debeat retractari et ipse omnium solus retractare possit.
- Qd a nemine ipse iudicari debeat.
- Qd nullus audeat condemnare apostolicam sedem appellantem.
- Qd maiores cause cuiuscunque ecclesie ad eam referri debeant.
- Qd Romana ecclesia nunquam erravit nec imperpetuum scriptura testante errabit.
- Qd Romanus pontifex, si canonice fuerit ordinatus, meritis beati Petri indubitanter effecitur sanctus testante sancto Ennodio Papiensi episcopo ei multis sanctis patribus faventibus, sicut in decretis beati Symachi pape continetur.
- Qd illius precepto et licentia subiectis liceat accusare.
- Qd absque synodali conventu possit episcopos deponere et reconciliare.
- Qd catholicus non habeatur, qui non concordat Romane ecclesie.
- Qd a fidelitate iniquorum subiectos potest absolvere.