Preguntei ũa dona en como vos direi
Preguntei ũa dona en como vos direi:
«Senhor, filhastes orden?». E ja por én chorei.
Ela entón me disse: «Eu non vos negarei
de com'eu filhei orden, assí Deus me perdón;
fez-mi-a filhar mia madre, mais, o que lhe farei?
Trager-lhi eu os panos, mais non o coraçón».
Dix'eu: «Senhor fremosa, morrerei con pesar,
pois vós filhastes orden e vos han de gardar».
Ela entón me disse: «Quero-vos én mostrar
como serei guardada, se non, venha-me mal;
esto, por que chorades, ben devedes cuidar:
Tragerei eu os panos, mais no coraçón al».
E dix'eu: «Senhor minha, tan gran pesar hei én,
porque filhastes orden, que morrerei por én».
E disse inda logo: «Assí me venha ben,
como serei guardada dizer-vo-lo quer'eu:
se eu trouxer os panos, non dedes por én ren,
ca terrei o contrairo eno coraçón meu».